Intervista: Peggy Porschen

Brilliant Baking Peggy Porschen

Din hija parti minn  intervista mal-artista tal-kejkijiet famuża Peggy Porschen. Din is-sena kelli l-unur li ricetti tal-kejk tieghi dehru  gewwa fuq l-istess rivesta fl-Ingilterra kif ukoll fuq l istess qoxra fejn derhet Peggy Porschen bi tisjir taghha

Peggy Porschen l-ewwel marret tgħix l-Ingilterra mill-Ġermanja biex tagħmel kors tat-tiżjin tal-kejkijiet.  Il-wirt Ġermaniż tagħha għadu evidenti f’ċerti riċetti li tuża bħall-Kejk Black Forest, cupcakes tal-Apfel Studel li jinbiegħu fil-ħanut Peggy Porschen Parlour li fetħet fil-qalba ta’ Londra fl-2010 u fejn l attenzjoni tmur għall-freskezza, it-togħma u biex il-ħami jkun perfett. Imma għalkemm hija influwenzata mill-wirt Ġermaniż tagħha, il-kejkijiet u l-ħanut huma tipikament Ingliżi.

Peggy għamlet kejkijiet għal ħafna nies famużi madwar id-dinja imma taħseb li l-akbar sfida tagħha kienet kummissjoni mingħand Elton John li kienet li tagħmel 550 kejk fil-forma ta’ bajda Faberge taċ-ċikkulata, kollox magħmul bl-idejn, għal ballu privat li kellu għal ħbiebu bit-tema White Tie and Tiara ball. Din il-biċċa tax-xogħol kellha bżonn aktar minn 1,400 biċċa ċikkulata fl-eqqel tas-sajf.

Peggy tgħid li ġiet ispirata biex tibda taħmi għax kull sena f’għeluq sninha bħala tifla, il-familjari tagħha kienu jagħmlulha kejk kbir mill-isbaħ għax il-Ġermaniżi tant iħobbuhom il-kejkijiet u l-ħelu. Dejjem tiftakarha taħmi ma’ ommha speċjalment fil-Milied: dik ir-riħa speċjali tal-pastarjali li tant iħobbu l-Ġermaniżi. Professjonalment Peggy bdiet taħmi l-kejkijiet tagħha kif ukoll għall-ħbieb u l-familjari fl-istess żmien li kienet taħdem bħala flight attendant mal-Lufthansa u dak iż-żmien għamlet kejk għat-tieġ ta’ waħda mill-kollegi tagħha u tant faħħruha li ddeċidiet li tibda l-ħami bħala professjoni.

Peggy għandha wkoll l-akkademja tal-kejkijiet fil-qalba ta’ Londra b’firxa kbira ta’ korsijiet u klassijiet differenti għal kull livell ta’ profiċjenza. Tieħu pjaċir wisq bil-kisbiet tal-istudenti tagħha u titgħaxxaq tara t-talent ta’ ħaddieħor. Peggy tqassam il-ġurnata tagħha bejn il-kċina u l-uffiċċju tagħha li huma fl-istess binja ġo Londra. Fl-uffiċċju taħdem fuq disinji ġodda  u fil-kċina taħmi u żżejjen mat-tim ta’ speċjalisti li kollha joffru talenti differenti. Għandha impjegati magħha Pastry Chefs li għandhom il-Michelin Stars, furnara Ġermaniżi ta’ xogħol artiġjanali kif ukoll artisti taz-zokkor mill-Ġappun. Il-ħin favorit tagħha fil-Parlour huwa wara t-tlieta u nofs ta’ waranofsinhar meta jispiċċaw l-iskola t-tfal u l-ħanut jimtela b’dawn it-tfal li huma l-klijenti favoriti tagħha.

Peggy għamlet ukoll il-kejk tat-tieġ ta’ Stella Mc Cartney.

Nirringrazzja lil Peggy Porschen u lill-pubblikatur tiegħi ġo Londra Dave Sharpe.

Dan l-ariklu l-ewwel deher fuq il gurnal l-Orizzont.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s